Illu illalu pillalu: భార్యకి ధీరజ్ భరోసా లేనట్టేనా.. ప్రేమ ఆ గీత దాటనుందా!
on Apr 23, 2025
.webp)
స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు (Illu illalu pillalu)'. ఈ సీరియల్ మంగళవారం నాటి ఎపిసోడ్-139 లో.. తోడికోడలు ప్రేమపై నోరు పారేసుకుంటుంది శ్రీవల్లి. ఆమె కుటుంబం గురించి చాలా నీఛంగా మాట్లాడింది. బుద్ది లేకుండా ధీరజ్ని ఎలా పెళ్లి చేసుకుంటావంటూ ప్రేమని తక్కువ చేసి మాట్లాడింది శ్రీవల్లి. అయితే శ్రీవల్లి అన్న మాటలకు ఏడ్చుకుంటూ.. భర్త ధీరజ్ దగ్గరకు వెళ్తుంది ప్రేమ. ప్రపంచం మొత్తం నిందించినా కూడా.. నీకు నేనున్నననే భర్త భరోసా, ఓదార్పు కోసం ఎదురుచూస్తుంది భార్య. అలాంటి ఓదార్పు ధీరజ్ నుంచి లభిస్తుందని ఆశపడింది ప్రేమ. కానీ భరోసా ఇవ్వాల్సిన భర్తే.. వంత పాడాడు. కనీసం సొంత అక్క కాకపోయినా కూడా.. ఎందుకు ప్రేమను అంతంత మాటలు అంటున్నావ్ అని నర్మద తిరగబడింది కానీ.. కట్టుకున్న వాడు మాత్రం భుజం తట్టలేకపోయాడు.
అన్నలతో సంతోషంగా ఉన్న ధీరజ్ దగ్గరకు వచ్చిన ప్రేమ.. నీతో మాట్లాడాలి.. ఒక్కసారి ఇలా రా అని పిలుస్తుంది. ఇప్పుడు కాదు.. తరువాత మాట్లాడుకుందాం అని అంటాడు ధీరజ్. తరువాత కాదు.. ఇప్పుడే మాట్లాడాలి రా అని అంటుంది ప్రేమ. నేను రాను.. తరువాత చూద్దాం వెళ్లు అని అంటాడు ధీరజ్. ఇంతలో తిరుపతి.. అమ్మాయి అంతలా పిలుస్తుంటే వెళ్లనంటావ్ ఏంట్రా వెళ్లు అని అంటాడు. ఇక సాగర్, చందులు కూడా.. వెళ్లమని చెప్తారు. దాంతో అయిష్టంగానే అక్కడ నుంచి కదులుతాడు ధీరజ్. ఏంటీ నీ నస.. ఎందుకు పిలిచావని ధీరజ్ అడుగుతాడు. దాంతో ప్రేమ..మీ పెద్ద వదిన నా ఫ్యామిలీ గురించి దారుణంగా మాట్లాడింది. మా వాళ్లంతా పరమదుర్మార్గులట.. కిడ్నాప్లు చేసే కిరాతకులట. ధీరజ్ని పెళ్లి చేసుకోవడానికి నీకు బుద్దిలేదని.. నన్ను అవమానిస్తూ మాట్లాడిందని తన బాధను ప్రేమ వెల్లబోసుకుంటుంది. దాంతో ధీరజ్.. మా వదిన మాట్లాడిన దాంట్లో తప్పేం ఉంది? అన్నీ కరెక్టే కదా.. పచ్చి నిజాలే కదా అని అంటాడు. ఆ మాటతో ప్రేమ షాక్ అయిపోతుంది. ఏంటీ ఏమన్నాని ప్రేమ అంటుంది.
ఇంకేం చెప్పకు ధీరజ్.. నా బాధ నీకు నవ్వులాట అయ్యింది.. మీ వదినకే కాదు.. నీకు కూడా లోకువ అయ్యాను. భవిష్యత్లో కూడా మీ వదిన ఇలాగే మాట్లాడితే నువ్వు సమర్ధిస్తూ మాట్లాడతావ్ తప్ప.. నా వైపు నిలబడవు.. నాకు అర్థం అయ్యింది. నేను ఇంట్లో ఎప్పుడూ ఒంటరినే అని నాకు అర్థం అయ్యింది. నాకు ఈ ఇంట్లో విలువ లేనప్పుడు నేను ఇక్కడ ఉండలేను. అందుకే వెళ్లిపోతున్నాను.. నేను మా ఇంటికి ఇప్పుడే ఈ క్షణమే వెళ్లిపోతున్నానంటూ తన ఇంటికి వెళ్లిపోబోతుంది ప్రేమ. అయితే సరిగ్గా ఇంటి ముందు ఉన్న గీత దాటేసరికి.. అడుగు అటు పెట్టకుండా అక్కడే ఆగిపోతుంది ప్రేమ. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
